A volta das vacacións do verán están a vir cargadas de traballo, traballo na empresa e traballo nos meus proxectos persoais. Fai un mes que voltei a Sevilla, despois de medio mes na terra, e coido que teño que empezar a espabilar e frenar o meu ímpetu de traballo.
O primeiro proxecto persoal no que estou a traballar é na creación dunha administración baseada nunha interface de usuario, non web, para o MorcegoCMS. Para esto estou a empregar XMLRPC, o servidor está feito, agora só teño que crear as funcións. Ainda que o MorcegoCMS non é para facer weblogs estou a implementar a API do MetaWeblog, é moi sinxelo, e tras crear as funcións basicas como metaWeblog.newPost, metaWeblog.editPost, metaWeblog.getPost, ... extendereino con funcións máis idóneas para o MorcegoCMS. De esta forma poderanse modificar páxinas mediante a nova interface de usuario ou incluso con programas que implementen esta API coma:
Nun principio ía facer a interface de usuario en Java, ó final creo que fareino con RealBasic, xa que poderei xerar binarios para Windows, MacOSX e Linux de forma sinxela.
É necesario por o resultado da operación matemática para engadir un comentario, tiven que poñer este método para evitar ós bots que non paran de meter spam coma comentarios